അദ്ധ്യായങ്ങൾ തിരയുക
പേജ് ഉള്ളടക്കം
- ഈ അദ്ധ്യായത്തിന്റെ രൂപരേഖ
- ബൈബിൾ വാക്യങ്ങൾ
- ചോദ്യങ്ങൾ, ഉത്തരങ്ങൾ
- വ്യക്തികൾ, സ്ഥലങ്ങൾ, സമയം, മറ്റുള്ളവ.
രൂപരേഖ
യേശുക്രിസ്തുവിൻറെ ഉയിർത്തെഴുന്നേല്പ്
1. യേശുക്രിസ്തു ഉയിർത്തെഴുന്നേറ്റു എന്ന് ദൂതൻ മഗ്ദലക്കാരത്തി മറിയയോടും മറ്റെ മറിയയോടും അറിയിക്കുന്നു
2. യേശുക്രിസ്തു മഗ്ദലക്കാരത്തി മറിയയ്ക്കും മറ്റെ മറിയയ്ക്കു പ്രത്യക്ഷനാവുന്നു
3. മഹാപുരോഹിതന്മാരും മൂപ്പന്മാരും പടയാളികൾക്ക് വേണ്ടുവോളം പണം കൊടുത്തു്; ഞങ്ങൾ ഉറങ്ങുമ്പോൾ യേശുവിൻറെ ശിഷ്യന്മാർ അവനെ കട്ട് കൊണ്ട് പോയി എന്ന് പറയിക്കുന്നു
4. യേശു ശിഷ്യന്മാർക്ക് പ്രത്യക്ഷനായി സകല ജാതികളെയും ശിഷ്യരാക്കിക്കൊൾവാനായി നിയോഗം നൽകുന്നു
യേശുക്രിസ്തു ഉയിർത്തെഴുന്നേറ്റു എന്ന് ദൂതൻ മഗ്ദലക്കാരത്തി മറിയയോടും മറ്റെ മറിയയോടും അറിയിക്കുന്നു
1 ശബ്ബത്തു കഴിഞ്ഞു ആഴ്ചവട്ടത്തിന്റെ ഒന്നാം ദിവസം വെളുക്കുമ്പോൾ മഗ്ദലക്കാരത്തി മറിയയും മറ്റെ മറിയയും കല്ലറ കാണ്മാൻ ചെന്നു.
2 പെട്ടെന്നു വലിയോരു ഭൂകമ്പം ഉണ്ടായി; കർത്താവിന്റെ ദൂതൻ സ്വർഗ്ഗത്തിൽ നിന്നു ഇറങ്ങിവന്നു, കല്ലു ഉരുട്ടിനീക്കി അതിന്മേൽ ഇരുന്നിരുന്നു.
3 അവന്റെ രൂപം മിന്നലിന്നു ഒത്തതും അവന്റെ ഉടുപ്പു ഹിമം പോലെ വെളുത്തതും ആയിരുന്നു.
4 കാവൽക്കാർ അവനെ കണ്ടു പേടിച്ചു വിറെച്ചു മരിച്ചവരെപ്പോലെ ആയി.
5 ദൂതൻ സ്ത്രീകളോടു: ഭയപ്പെടേണ്ടാ; ക്രൂശിക്കപ്പെട്ട യേശുവിനെ നിങ്ങൾ അന്വേഷിക്കുന്നു എന്നു ഞാൻ അറിയുന്നു;
6 അവൻ ഇവിടെ ഇല്ല; താൻ പറഞ്ഞതുപോലെ ഉയിർത്തെഴുന്നേറ്റു; അവൻ കിടന്ന സ്ഥലം വന്നുകാണ്മിൻ
7 അവൻ മരിച്ചവരുടെ ഇടയിൽനിന്നു ഉയിർത്തെഴുന്നേറ്റു എന്നു വേഗം ചെന്നു അവന്റെ ശിഷ്യന്മാരോടു പറവിൻ; അവൻ നിങ്ങൾക്കു മുമ്പെ ഗലീലെക്കു പോകുന്നു; അവിടെ നിങ്ങൾ അവനെ കാണും; ഞാൻ നിങ്ങളോടു പറഞ്ഞിരിക്കുന്നു എന്നു പറഞ്ഞു.
യേശുക്രിസ്തു മഗ്ദലക്കാരത്തി മറിയയ്ക്കും മറ്റെ മറിയയ്ക്കു പ്രത്യക്ഷനാവുന്നു
8 അങ്ങനെ അവർ വേഗത്തിൽ ഭയത്തോടും മഹാസന്തോഷത്തോടും കൂടി കല്ലറ വിട്ടു അവന്റെ ശിഷ്യന്മാരോടു അറിയിപ്പാൻ ഓടിപ്പോയി. എന്നാൽ യേശു അവരെ എതിരെറ്റു:
9 “നിങ്ങൾക്കു വന്ദനം” എന്നു പറഞ്ഞു; അവർ അടുത്തുചെന്നു അവന്റെ കാൽ പിടിച്ചു അവനെ നമസ്കരിച്ചു.
10 യേശു അവരോടു: “ഭയപ്പെടേണ്ട; നിങ്ങൾ പോയി എന്റെ സഹോദരന്മാരോടു ഗലീലെക്കു പോകുവാൻ പറവിൻ; അവിടെ അവർ എന്നെ കാണും” എന്നു പറഞ്ഞു.
മഹാപുരോഹിതന്മാരും മൂപ്പന്മാരും പടയാളികൾക്ക് വേണ്ടുവോളം പണം കൊടുത്തു്; ഞങ്ങൾ ഉറങ്ങുമ്പോൾ യേശുവിൻറെ ശിഷ്യന്മാർ അവനെ കട്ട് കൊണ്ട് പോയി എന്ന് പറയിക്കുന്നു
11 അവർ പോകുമ്പോൾ കാവൽക്കൂട്ടത്തിൽ ചിലർ നഗരത്തിൽ ചെന്നു സംഭവിച്ചതു എല്ലാം മഹാപുരോഹിതന്മാരോടു അറിയിച്ചു.
12 അവർ ഒന്നിച്ചുകൂടി മൂപ്പന്മാരുമായി ആലോചനകഴിച്ചിട്ടു പടയാളികൾക്കു വേണ്ടുവോളം പണം കൊടുത്തു;
13 അവന്റെ ശിഷ്യന്മാർ രാത്രിയിൽ വന്നു ഞങ്ങൾ ഉറങ്ങുമ്പോൾ അവനെ കട്ടുകൊണ്ടുപോയി എന്നു പറവിൻ.
14 വസ്തുത നാടുവാഴിയുടെ സന്നിധാനത്തിൽ എത്തി എങ്കിലോ ഞങ്ങൾ അവനെ സമ്മതിപ്പിച്ചു നിങ്ങളെ നിർഭയരാക്കിക്കൊള്ളാം എന്നു പറഞ്ഞു.
15 അവർ പണം വാങ്ങി ഉപദേശപ്രകാരം ചെയ്തു; ഈ കഥ ഇന്നുവരെ യെഹൂദന്മാരുടെ ഇടയിൽ പരക്കെ നടപ്പായിരിക്കുന്നു.
യേശു ശിഷ്യന്മാർക്ക് പ്രത്യക്ഷനായി സകല ജാതികളെയും ശിഷ്യരാക്കിക്കൊൾവാനായി നിയോഗം നൽകുന്നു
16 എന്നാൽ പതിനൊന്നു ശിഷ്യന്മാർ ഗലീലയിൽ യേശു അവരോടു കല്പിച്ചിരുന്ന മലെക്കു പോയി.
17 അവനെ കണ്ടപ്പോൾ അവർ നമസ്കരിച്ചു; ചിലരോ സംശയിച്ചു.
18 യേശു അടുത്തുചെന്നു: “സ്വർഗ്ഗത്തിലും ഭൂമിയിലും സകല അധികാരവും എനിക്കു നല്കപ്പെട്ടിരിക്കുന്നു.
19 ആകയാൽ നിങ്ങൾ പുറപ്പെട്ടു, പിതാവിന്റെയും പുത്രന്റെയും പരിശുദ്ധാത്മാവിന്റെയും നാമത്തിൽ സ്നാനം കഴിപ്പിച്ചും
20 ഞാൻ നിങ്ങളോടു കല്പിച്ചതു ഒക്കെയും പ്രമാണിപ്പാൻ തക്കവണ്ണം ഉപദേശിച്ചുംകൊണ്ടു സകലജാതികളെയും ശിഷ്യരാക്കിക്കൊൾവിൻ; ഞാനോ ലോകാവസാനത്തോളം എല്ലാനാളും നിങ്ങളോടുകൂടെ ഉണ്ടു” എന്നു അരുളിച്ചെയ്തു.
ചോദ്യങ്ങൾ?
1. ഭൂകമ്പം ഉണ്ടായപ്പോൾ സ്വർഗ്ഗത്തിൽ നിന്നും ഇറങ്ങി വന്ന്, കല്ലു ഉരുട്ടിനീക്കി അതിന്മേൽ ഇരുന്നിരുന്ന ദൂതൻറെ രൂപം എങ്ങനെയുള്ളതായിരുന്നു ?
ഉത്തരം. വാക്യം. 3 അവന്റെ രൂപം മിന്നലിന്നു ഒത്തതും അവന്റെ ഉടുപ്പു ഹിമം പോലെ വെളുത്തതും ആയിരുന്നു
2. കാവൽക്കാർ ആരെ കണ്ടാണ് പേടിച്ചു വിറെച്ചു മരിച്ചവരെപ്പോലെ ആയത് ?
ഉത്തരം. വാക്യം. 4 ദൂതനെ കണ്ട്
3. സ്ത്രീകൾക്ക് പ്രത്യക്ഷനായ യേശു അവരോടു പറഞ്ഞയച്ചതെന്താണ് ?
ഉത്തരം. വാക്യം. 10 നിങ്ങൾ പോയി എന്റെ സഹോദരന്മാരോടു ഗലീലെക്കു പോകുവാൻ പറവിൻ; അവിടെ അവർ എന്നെ കാണും” എന്നു പറഞ്ഞു.
4. യേശു ശിഷ്യന്മാർക്ക് പ്രത്യക്ഷനാവുന്നത് എവിടെ വച്ച് ?
ഉത്തരം. വാക്യം. 16 ഗലീലയിൽ യേശു അവരോടു കല്പിച്ചിരുന്ന മലയിൽ വച്ച്
5. “നിങ്ങൾ പുറപ്പെട്ടു, പിതാവിന്റെയും പുത്രന്റെയും പരിശുദ്ധാത്മാവിന്റെയും നാമത്തിൽ സ്നാനം കഴിപ്പിച്ചും ഞാൻ നിങ്ങളോടു കല്പിച്ചതു ഒക്കെയും പ്രമാണിപ്പാൻ തക്കവണ്ണം ഉപദേശിച്ചുംകൊണ്ടു സകലജാതികളെയും ശിഷ്യരാക്കിക്കൊൾവിൻ;” എന്ന കല്പന യേശു ശിഷ്യന്മാർക്ക് നൽകിയത് എന്ത് പറഞ്ഞിട്ടാണ് ?
ഉത്തരം. വാക്യം. 18 : “സ്വർഗ്ഗത്തിലും ഭൂമിയിലും സകല അധികാരവും എനിക്കു നല്കപ്പെട്ടിരിക്കുന്നു.”
വ്യക്തികൾ
സ്ഥലങ്ങൾ
സമയം
മറ്റുള്ളവ